Бөек татар шагыйре Габдулла Тукай-милләтебезнең якты кояшы. Кыска гына гомерендә ул онытылмас эз калдыра алды. Туган телгә, туган илгә мәхәббәт Тукай исеме белән бергә туа. Бу бәйрәм уңаеннан  26 апрель көнне Әбрар Каримуллин исемендәге Саба үзәк  китапханәсендә мәктәбебезнең 9 сыйныф укучылары өчен "Мин кулыма китап алам"дип исемләнгән интеллектуаль уен үткәрелде. Уен 5 өлештән торды: 1 — "Балачак хатирәләре", 2 - "Тукай эзләреннән", 3 - "Кызыклы фактлар", 4 — "Танып-бел", 5 — Әйтелмәгән мәхәббәт ".укучылар ике  командага бүленеп көч сынаштылар. Катнашучылар сорауларга 1 минут эчендә җавап бирергә тиеш иделәр, дөрес җавап өчен командага баллар бирелде. Уен бик кызыклы формада узды, катнашучылар үзләренең белемнәрен тикшерделәр, зирәклекләрен, команда бердәмлеген сәләтләрен күрсәттеләр һәм әдәби күзаллауларын киңәйттеләр.