Яз —  гүзәллек, яңару ае.  Көннең яктылыгы – кояшта, күкнең матурлыгы – йолдызларда, җирнең гүзәллеге – кызларда. Шул уңайдан бүген мәктәбебездә 8-11 нче сыйныф кызлары арасында «Ягез әле, кызлар!» бәйгесе үткәрелде. Кызларыбыз бик күп бәөгеләрдә көч сынаштылар: хатын-кызның берьюлы мең төрле эш эшли алуын күрсәтеп башларына китап куеп, бер кулларына себерке, бер кулларына тәлинкә тотып эстафетада йөгерделәр;  төймә тактылар, матур кул эшләре дә эшләделәр, бәби дә төрделәр, бәрәңге, суган да әрчеп турадылар. Барлык балларны кушып жюрилар  түбәндәге нәтиҗәне чыгарды: 1 нче урын —  10 нчы сыйныф, 2 нче урын —  9б һәм 11 нче сыйныф, 3 нче урын —  9а һәм 8 нче сыйныф кызларына бирелде.