Мәктәпләрдә тимурчылык хәрәкәте күптәннән эшләп килә. Шул исәптән безнең мәктәптә дә һәр сыйныфка караучысыз калган олы яшьтәге кеше билгеләнгән. Бу эштә һәр укучы бик теләп катнаша. Бүген мәктәбебезнең 10 нчы сыйныф укучылары Нурания әбигә  барып, хәлен белеп кайттылар. Балаларны әби сөенеп каршы алды. Әбинең күршесе һәрдаим аңа булышып тора икән, шуңа күрә карлары да көрәлгән булып чыкты. Күрше-тирәгә, олы кешеләргә ярдәмчел булырга кирәклеген үз күзләре белән күрде укучылар. Әби аны зурлап килүләре өчен рәхмәтләрен җиткерде. Олы кешенең күңелен күрү саваплы гамәл. Мондый җылы очрашулар балаларның да күңелендә кала...