Халык авыз иҗаты әсәрләреннән балаларга иң  якын һәм алар ярата торганы — әкиятләр. Халык әкиятләре — бала тәрбияләүдә бай материал булып исәпләнә. Вакыйгаларның тиз җәелеше, катнашучыларның аз санда булуы, ритмик яктан гади төзелеше, телнең образлылыгы, юморга бай булуы мәктәпкәчә яшьтәге бала өчен әкиятне гадәттән тыш кызыклы һәм аңлаешлы итәләр.  Халык иҗаты әсәрләре — балаларда хис тәрбияләү мәктәбе. Тәҗрибә күрсәткәнчә, геройның уй-хисләрен аңлый белү, эмоциональ кабул итү тәрбияләүдә әкиятне сәхнәләштерү, иллюстрацияләр карау, әкият герое турында сөйләшүләр тәрбия процессында зур урын ала.
     Мәктәбебезнең башлангыч сыйныф укучылары татар әкиятләрен бик яратып укйлар, сәхнәләштерәләр,  иллюстрацияләр ясыйлар.    «Татар әкиятләренә иллюстрацияләр» күргәзмәсендә аларның иҗат җимешләре урын алды.