“ИнтелКөз” ял һәм сәламәтләндерү лагеренең тагын бер көне артта калды. Көн физзарядкадан һәм файдалы иртәнге аштан башланды. 4 ноябрь “Халыклар бердәмлеге көне” уңаеннан иҗади-тәрбияви сәгать үткәрелде, укучылар бәйрәм көненең барлыкка килү тарихын белделәр, стена газетасы ясадылар. “Караоке - батл”да актив катнашып, төрле җырлар искә төшерелде, җырланды.
     Көннең икенче яртысында “Олимп” стадионына сәяхәт иттеләр, саф һавада хәрәкәтле уеннар уйнадылар. "Алтын көз" интеллектуаль уены оештырылды, укучылар сорауларга актив җавап бирделәр, сынатмадылар.