21 февраль – Туган тел көне. Туган җирен чын күңелдән яраткан, халкының тарихына, гореф – гадәтләренә, әдәбиятына, диненә ихтирам белән караган кеше генә туган телен чиксез кадерли. Аны бөтен күңеле белән яратып өйрәнә, татар икәнен күңеле белән сизеп яши. Әлеге бәйрәм Сәләтле балалар мәктәбендә дә төрле чаралар ярдәмендә билгеләп үтелде.
    Татар теле укытучысы Галимҗанова Сания Вәгыйз кызы тарафыннан үткәрелгән “Белем иленә сәяхәт” интеллектуаль уенында 6-7 сыйныф укучылары катнашты. Алар “Тапкырлар” һәм “Зирәкләр” командаларына бүленеп татар теле һәм әдәбияты буенча белемнәрен барладылар.
     Педагог-оештыручы Ганиева Әнисә Илгиз кызы башлангыч сыйныфлар өчен “И туган тел, и матур тел” исемле чара оештырды.  Төрле сәләткә ия булган укучыларыбыз татар телендә Ватаныбызны, горур халкыбызны зурладылар, туган телебезгә, үскән җиребезгә мәдхия җырладылар. Шулай ук 1-4 сыйныфлар арасында “Татар телендә нәни китапчык” конкурсы игълан ителде. Укучылар әлеге бәйгедә дә бик актив катнаштылар.