Балалар мәктәпкә ныклы әзерлек белән килсен өчен балалар бакчасы һәм мәктәп арасында дәвамчанлык булуы мөһим. Мәктәп ягыннан караганда дәвамчанлык-балаларның балалар бакчасында алган беренчел белем һәм күнекмәләргә нигезләнеп һәм шул белемнәрне исәпкә алып барыла. Ә балалар бакчасы ягыннан караганда дәвамчанлык ул-мәктәп таләпләренә ориентлашу, мәктәптә белем алуны дәвам итү өчен кирәк булган белем һәм күнекмәләр формалаштыру.

Буген 15нче  декабрь мәктәпкә әзерлек төркеме тәрбиячесе  Сафина Чулпан Нәкип  кызы белән 1  класс укычыларың  математика дәресен күзәттек. Дәреснең темасы “Уң, сул, эчендә” төшенчәләрен  өйрәнү. Укытучы Миләүшә Нуретдин кызы дәресне төрле алымнар кулланып бик күңелле дәрес күрсәтте. Укытучы максатка ирешү өчен түбәндәге эш формалары сайлаган: индивидуаль, төркемдә һәм   парларда эшләү. Дәрес этаплары бер - берсе белән тыгыз бәйләнгән. Дәрес барышында  “Кызыклы мәсьәлә чишү”, “Тавышны сана”, “Математик табышмаклар”, “Уң, сул, эчендә” төшенчәләрен аңлауга   уеннарын куллану балаларның кызыксынуларын арттырды. Практик эш ярдәмендә яңа материал аңлатылды. Дәрес ахырында  төрле смайликлар ярдәмендә балаларның белемнәре тикшерелде, балаларның  дәрес  темасын ничек аңлаулары белән кызыксынды.Укытучы дәреснең максатына иреште.