Күрәсезме сез безне,

Чистарынабыз, юынабыз.

Һәр иртәдә көн саен

Тешләрне чистартабыз.

Кызыл, сары, яшел, зәңгәр

Бик күп шакмаклар алып,

Данияр белән Рәнис икәү

Куйдылар зур йорт салып.

Балалар бакчасында Саба муниципаль районы башкарма комитеты җитәкчесе каралары белән таныштыру максатыннан ата- аналар җыелышы уздырылды. Район социаль яклау блбүлегеннән килгән белгечләр яңача түләүләр, компенсацияләр турында аңлаттылар. Ата- аналар үзләрен кызыксындырган сорауларны бирделәр. 

Тәрбиячебез Сафина Римма Мөхәммәтнәҗип кызы озак еллар нәтиҗәле эшләгәне өчен Татарстан мәгариф министрлыгының "Мәгарифтәге казанышлары өчен" күкрәк билгесе белән бүләкләнде. Сезне чын күңелдән котлыйбыз. Алга таба да Сезгә исәнлек, бәхетле гаилә тормышы, эшегездә уңышлар телибез.

          Коллектив.

Бүген бездә "тәмле" шөгыль,

Киендек матур итеп.

Өстәлләргә куеп чыктык

Җимешләрне мул итеп.

матур итеп кисик башта

Менә бу зур алманы.

Тәлинкәнең уртасына

Аннан куйыйк без аны.

Матур итеп кисеп, тезеп

Авыздан сулар килде.

Салатыбызны тәмам итеп

Без авыз итик инде.

Җиләк- җимеш тәлинкәдә

Бигрәк матур тезелгән.

Безнең тырышлыкны күрегез

Бай көз күчтәнәчләреннән.

Без бүген үзебезнең бакчада эшләп чыккан өлкәннәрне кунакка чакырдык. Аларны чакырып корьән уку мәҗлесе үткәрү безнең традициябез. Бу бәйрәмнән кунакларның, бакчабызның йөзе нурлана, күңелләргә җылылык өстәлә. Балаларыбыз алдында зур тәрбияви чара да булып тора. Бәйрәм белән Сезне, кадерле өлкәннәребез!

Бакчабыз чисталыгына

Безнең дә өлеш керә.

Чисталык ул- сәламәтлек,

Моны һәр бала белә.

Балаларга өйдә әти- әниләр белән яфраклардан композицияләр ясап алып килергә кушылган иде. Нинди генә матур эшләр юк анда. Бик зур рәхмәт сезгә, балалар һәм әти- әниләр!