Бакчабызда ,,Бездә кышлаучы кошлар " атналыгын йомгаклау чарасы буларак ,,Җимлекләр" конкурсы булды. Балалар әти-әниләре белән бик матур җимлекләр ясап килгәннәр иде.Һәр җимлекне караганда әти-әниләрнең иҗадилыгы,осталыгы һәм тырышлыкларына сокланмый мөмкин түгел иде.  Рәхмәт сезгә әти-әниләр,шулай бергә -бергә эшләүне дәвам итик.Балаларыбыз да әти-әниләренең эшләрен күреп,алар белән горурланып үссеннәр.Үзләре дә алар кебек уңган ,эш сөючән,тирә-як табигатькә игътибарлы,кошларга,хайваннарга карата мәрхәмәтле  булырлар дигән изге теләктә калабыз.

Бакчабызда ата-аналар җыелышы булды.Бакча мөдире Залалетдинова Гөлсәрия Ахматгаяновна  балалар бакчасының эшчәнлеге  һәм Саба муниципаль районының башкарма комитеты карары № 1383 -п нигезендә  2016 елның 1 нче январеннән үзгәрәчәк ата - аналар взносы  белән таныштырды.Тәрбияче Каримова Гөлзилә Хатиповнаның "Кече  яшьтән үк балаларның  сөйләм телен активлаштыру һәм баету өчен ниләр эшләргә?" - дигән чыгышы булды һәм әти -әниләрне бакча белән бергә  бердәм эшләргә чакырды.

     Кадерле аналар!

Балагызның берәве сез,

Гаиләгезнең йөрәге сез.

Иминлекнең терәге сез,

Һәркемнең дә кирәге сез.

Шаян бию.

Бигрәк йомшак кыш килде,

Күңелемә хуш килде.

Юраганым юш килде.

Көне буе тышта без.

Кар бабайлар,аюлар

Әвәләргә оста без.

Килеп җитте кыш та.

Ай-яй,салкын тышта....

Өч ай торса торыр,-

Аның гомере кыска.