“Туган телем- иркә гөлем” республика семинары

14-16нчы октябрьдә районыбызда Төмән өлкәсенең Тубыл шәһәре кунаклары булып китте. 15нче  октябрьдә кунаклар район мәгариф бүлеге, Мәгариф һәм фән министрлыгы вәкилләре белән берлектә, районыбызның татар теле һәм әдәбияты уекытучылары катнашында К.Бүкәш мәктәбе базасында “Туган телем- иркә гөлем” дип аталган республика семинарына җыелдылар.                  Районыбыз мәктәпләренең татар теле укытучылары мастер-класслар күрсәттеләр. Пленар утырыштагы чыгышлар бу юнәлештә эшләүче һәркемнең милли мәсьәләләрне тирән аңлап, борчылып, кайгыртып эшләүче милли җанлы кешеләр булуын күрсәтте. Мәгариф бүлеге җитәкчесе, милли мәсьләләр бүлеге  методистлар, К.Бүкәш мәктәбе директорының тирән эчтәлекле чыгышлары һәркемдә соклану уятты. Кунаклар К.Бүкәш укучыларының чыгышларын, мәктәп күргәзмәләрен, экскурсияләрне  бик яратып карадылар. Төмән кунагы Гадиев Рафаэль Галимҗановичның “Курай моңнарында Себер татарлары аһәңе” мастер-классы бик аз вакытта курайда уйнарга өйрәнү серләренә төшендерде.