Бүген “Сабантуй” балалар журналы хезмәткәрләре Алмаз Хәмзин һәм Айдар Гыймадиев укучылар белән очраштылар. Килүләренең төп максатлары: "балаларны иҗатка тартырга теләүләре", дип аңлаттылар язучылар. Алар “Сабантуй” битләрендә укучыларның уңышлы килеп чыккан мәкаләләрен, шигырьләрен урнаштырырга сүз куештылар. Балалар язучыларга кызыксындырган сорауларын бирделәр. Һәм һәрбер укучыга "Сабантуй" журналының соңгы саннарын бүләк иттеләр.

21 нче гыйнвар көнне, Күгәрчен мәктәбенең 4 нче сыйныф укучылары һәм аларның әниләре пионербол уены буенча көч сынаштылар. Бу чара бик кызыклы һәм мавыктыргыч булды. Без моны әти-әниләр белән тыгыз элемтә урнаштыруның тагын бер ысулы дип карадык. Мәктәп коллективы һәм әти-әниләр, физик тәрбия укытучысы Хөснетдинов Марат Исхак улына бик рәхмәтле. Чөнки, ул балалар күңеленә "ачкыч" таба белә, аларны җиңүгә өндәп күңелләрен күтәреп тора. Һәм нәтиҗәләре дә күренә шул, нинди генә спорт торе белән ярышка бармасыннар, призлы урыннарга ия булалар. Әле менә бүген дә ул, уен алдыннан укучыларына мөрәҗәгать итте: "Әгәр,җиңүгә ирешсәгез, мин сезне күрше авылга үз яшьтәшләрегез белән очрашуга алып барам", диеп ышандырды. Нәтиҗәсе дә озак көттермәде, уен балалар җиңүе белән тәмамланды. Ә без укытучыга уңышлар телибез, укучыларга һәм уенда катнашкан әниләргә рәхмәтебезне җиткерәбез.

Бүген Балык Бистәсе районы укытучылары катнашында  кышкы Спартакиада уеннары булып  узды.Һәм безнең Күгәрчен мәктәбе укытучылары да анда катнашты. Чаңгыда шуу буенча vib- узышта, мәктәбебез директоры Мингарипов Марсель Габделмәүлә улы I урын яулады. Без аңа алга таба да уңышлар телибез.