15 нче сентябрь - Татарстан Варислары Берлегенең туган көне. Шушы уңайдан без дә мәктәбебез белән походка чыгарга дип сөйләштек. Ләкин, ни кызганыч,һава шартлары бозылып китү сәбәпле без планлаштырылган көндә походка бара алмадык. Күңелебезне төшермәдек соң булса уң булсын дип походны егерме беренче  сентябрь көнне оештырырга булдык. Бу көнне без “Сәламәтлек көне” итеп тә игълан иттек. Иртәнге линейка вакытында яшь юнармиячеләр Россия,Татарстан гимнына флаг күтәрделәр.Барыбыз “Смирно!” командасына Россия,Татарстан гимннарын башкардык. Сүзне педагог- оештыручы Гатауллина Р.Р алды. Ул укучыларны бәйрәм белән котлады,балалар оешмасының атрибутлары белән таныштырды. Шуннан соң укучылар сыйныфларга «Мөһим нәрсәләр турында сөйләшү» дәресенә кереп киттеләр.           Бәйрәмебезнең икенче өлеше мәктәпнең спорт мәйданчыгында булды.Иң элек һәрбер сыйныф та табигатьтә үз мәйданчыгын булдырып өстәл корып җибәрде.Бергәләп алып килгән ризыкларын ашадылар. Шуннан һәрбер звено да “Сәламәтлек сукмагы” дип аталган тукталышларда үзләренең көчләрен сынап карадылар.Тукталышлар: 1)    урын буенча ориентлашу, 2)    тормыш эшчәнлегенең куркынычсызлыгы, 3)    палатканы җәю, 4)    экология, 5)    хезмәт тәрбиясе, 6)    спорт ярышлары    Соңыннан линейкада уздырылды.Ярышта катнашкан укучыларны,укытучыларны бүләкләү булды.