Бүген мәктәбебездә репрессия корбаннарын искә алу көне уңаеннан сыйныф сәгате уздырылды.Чарада репрессиягә эләккән гаиләләрнең балалары катнашты. Сыйныф сәгатен тарих укытучысы Гайсина Ә.К алып барды.Ул үз чыгышында илебез күләмендәге сугышлар турында,бөек язучыларыбыз Хәсән Туфан,Аяз Гыйләҗевның да репрессия корбаннары булуын һәм шул репрессия җилләре килгән кунакларга кагылмаса да,аларның туганнарына, якын кешеләренә кагылуын әйтеп үтте.Кунакларга сүз бирелгәнче иң элек шул еллардагы кино сюҗет карап үтелде,инценировка күрсәтелде.Сүз кунакларга бирелде.Аларның сөйләгәннәре залда утыручыларның берсен дә битараф калдырмагандыр дип уйлыйм. Чара  барышында да сәяси репрессияләр корбаннарын бер минутлык тынлык белән искә алдык.