Бүген барыбыз өчен дә  иң тантаналы һәм истәлекле көннәрнең берсе.Чыгарылыш сыйныф укучылары өчен соңгы кыңгырау яңгыраячак. Тантаналы чарада Балык Бистәсе муниципаль районы башлыгының икътисади мәсьәләләр буенча урынбасары Хәкимуллин Айрат Альберт улы, Котлы Бөкәш авыл җирлеге башлыгы Нәҗипов Рәшит Гәзиз улы, район кулланучылар җәмгыяте рәисе  Бариев Раил Нәгыйм улы, Балык Бистәсе муниципаль районыветераннар советы рәисе Шәвәлиев Рафаэль Мәхмүт улы ветераннар катнашты. Килгән кунакларыбыз барлык укытучыларны, укучыларны,әти-әниләрне, ветераннарны бәйрәм белән котладылар. Чыгарылыш сыйныф укучылары дулкынландыргыч җыр башкардылар һәм традицион рәвештә вальс һәм күңелле флешмоб биеделәр. Сыйныф җитәкчеләренә, ата-аналарга һәм мәктәпкә рәхмәт сүзләрен җиткерделәр. Бүген сез олы тормыш бусагасында басып торасыз. Ышанычны аклагыз, максатларыгызга җитегез,кадерле укучылар!