26 нчы апрель — бөек шагыйребез Габдулла Тукайның туган көне, Шигърият бәйрәме, туган телебез бәйрәме! Шул уңайдан егерме өченче апрельдә мәктәбебездә шигърият бәйрәме үтте. Бәйрәмне милли эшләр буенча директор урынбасары Әнисә Кәримулла кызы Гайсина ачып җибәрде.Ул барлык килгән кунакларны бүгенге шигърият бәйрәме белән котлады. Ә башлангыч сыйныф укытучыларының район- куст методик берләшмәсе җитәкчесе Гөлнара Минемулла кызы Шәмсевәлиева бәйрәмнең программасы белән таныштырды.Мәктәбебезнең башлангыч сыйныф укучылары Г.Тукайның “Кәҗә белән сарык”әкиятен сәхнәләштерделәр.Районыбыз мәктәпләреннән бик күпләп шигърият яратучы балалар килгән иде. Дөрес, араларында лауреатлар,призерлар,җиңүчеләр булды. Аларның берсен генә алып мактау бердә дөрес булмас.Барысы да бик матур итеп шигырьләр сөйләделәр.Бүгенге шигърият бәйрәмендә барлык укучыларны да җиңүчеләр дип әйтергә була. Чөнки сәхнәгә менеп, каушамыйча, чит мәктәп сәхнәсендә чыгыш ясау ул инде зур дәрәҗә,җиңү.Тукай шигырьләрен, әкиятләрен укып, яраткан җырларын җырлап, тормыш сабагы аласыз. Сез яшь Тукайчылар. Изге туган телебезгә, газиз, татар теленә Тукай кебек тугры булып үсәсез. Без барлык катнашкан укучыларыбызга үзебезнең рәхмәтебезне җиткерәбез, иҗат чишмәләрегез беркайчан да саекмасын, гел челтерәп агып торсын.