Көннәр язга авышкан мәлдә мәктәбебездә Нәүрүз бәйрәмен үткәрү матур гадәт булып кереп китте. Бу бәйрәм кышны озату, язны каршы алу буларак кабул ителә. Кешеләр элек-электән язны көтеп алганнар, аңа яңа өметләр баглаганнар. Бер-берсенә изге теләкләр теләп, елның яхшы килүенә, уңыш күп булуга юраганнар. Шушы йоланы яңартып мәктәбебездә “Нәүрүз бәйрәме” уздырасы булдык. Бәйрәмебезезгә Кыш бабай, Нәүрүзбикә, керделәр.Алар узара көч сынаштылар.Нәүрүзбикә Кыш бабайны тапкырлыгы, җитезлеге белән җиңде.Һәрбер сыйныф та татар хылкының милли уеннарын уйнатты.Укучылар  бигрәк тә “Ак калач”,”ал кирәк,гөл кирәк”,”Чабата”,”Капкалы”, “Гөлбану” уеннарын яратып уйнадылар.Бәйрәмдә җыр, бию,ярышлар да булды.