21 февральдә  Туган телләр көне бәйрәме уңаеннан мәктәбебездә Татарстанның Халык язучысы, Габдулла Тукай исемендәге Дәүләт премиясе лауреаты Тәлгат Нәбиулла улы Галиуллин, якташыбыз, Саҗидә Сөләйманова исемендәге әдәби премия лауреаты, публицист Фәүзия Солтан (Галиуллина),   якташыбыз, шагыйрә, Татарстан журналистларының “Бәллүр каләм” иясе Рәсимә Гарифуллиналар белән  очрашу булды. Очрашу кичәсен мәктәпнең татар теле һәм әдәбияты укытучылары Курмаева Р.Р. һәм Гайсина Г.Г. алып бардылар. Кичәдә кунакларның шигырьләре һәм җырлары яңгырады. Язучы-шагыйрәләребез укучыларга шигырьләрен укыдылар, үзләренең теләкләрен җиткерделәр. Мәктәбебез директоры Сәләхиев Н.Ю. Ф.Солтанның “Туганым” , Мөхәрләмова Гөлия Р.Гарифуллинаның “Яшь гомерем” җырларын башкардылар. Очрашуда Тәлгат Галиуллинның шәкерте, районыбызның мәгариф бүлеге җитәкчесе Садиков Илсур Мансурович та катнашты, остазына һәм шагыйрәләребезгә рәхмәтен җиткерде һәм иҗади уңышлар теләде.