Бүген мәктәбебездә тугызынчы- унберенче сыйныфлар арасында  “Мин –Россия гражданины” дип исемләнгән тема астында парламент сәгате узды. Биредә Котлы Бүкәш авыл җирлеге башлыгы Нәҗипов Рәшит Гәзиз улы ,авыл советы депутаты Шафиков Рафаэль Рафат улы, мәктәбебез директоры Сәләхиев Нәкыйф Юныс улы да катнашты.Ә Иң элек ике командага бүленделәр: “Депутатлар” һәм “Патриотлар” командасы. Шуннан соң ике командага да биремнәр бирелде: “Әйдәгез,танышыйк!”,”Алга”, “Серле конверт”, “Мәкальләр”, “Милли мәдәният”.  “Депутатлар” һәм “Патриотлар” командасы тырышып-тырышып барлык биремнәрне   төгәл үтәделәр.

Ярыш кызганнан кыза барды.Укучыларыбыз Ватан турында шигырьләр дә сөйләделәр,җырлар да җырладылар.Бәйгенең йомгаклар вакыт та җитте. Җюри әгъзалары киңәшләшеп түбәндәге йомгакны  ясады.Һәм нәтиҗәдә дуслык җиңде.Монда алган белемнәр киләчәктә дә ярдәмгә килер дигән өметтә калабыз. Парламент дәресләрен тарих укытучыларыбыз Гайсина Ә.К, Степанова Л.В әзерләделәр Барлык оештыручыларга зур рәхмәтләребезне җиткерәбез.