Бүген, Россия балалар хәрәкәтенең  һәм комсомол оешмасының туган көне. Шушы уңайдан актлар залында сыйныф сәгате үтте.Билгеле булганча, 2015 нче елның 29 нчы октябрендә Россия президенты Владимир Путин Россия хәрәкәтен булдыру турындагы Указга кул куйды. 2016 нчы елның 16 нчы апрелендә гамәлгә куючылар тарафыннан Россия балалар хәрәкәтенең Уставы төзелде. Дмитрий Анатольевич Медведев Күрсәтмәсе буенча, Россия балалар хәрәкәте оешмасы федераль дәүләт бюджет оешмасы буларак яши башлый.Әлеге оешманың максаты: яшь буынны тәрбияләү өлкәсендә дәүләт сәясәтен камилләштерү, Россия дәүләтенә хас кыйммәтләр нигезендә шәхес формалаштырырга ярдәм итү.

Ә комсомолларны бүгенге өлкән яшьтәгеләр сагынып искә ала, чөнки аларның яшьлеге комсомол дәверенә туры килгән. Илнең берничә буын гражданы, ягъни ике йөз миллионга якын кеше комсомол мәктәбен үткән. Бу ил тормышында үзе бер дәвер, чөнки Ленин комсомолы кебек көчле яшьләр хәрәкәте тарихта башкача теркәлмәгән. Тыныч тормышта да, сугыш елларында да комсомоллар коммунистлар белән иңне-иңгә терәп атлаган, утка-суга да беренче булып кергән, төзелештә дә башлап йөргән, космоска да тәүгеләрдән очкан, үзләре артыннан яшьләрне әйдәгән.