Хәерле көн укучылар!. Сезгә хәерле көн дип эндәшәләр икән, димәк сезгә чын йөрәктән яхшы кәеф, сәламәтлек, шатлык телиләр. Ә безнең йөрәкләребез яхшы күңелле, эчкерсез кешеләргә һәрвакыт ачык.Котлы Бүкәш мәктәбендә  башланып киткән  “Игелек дәресләре” дип исемләнгән сыйныф сәгате шундый юллар белән башланып китте.

Сыйныф сәгатенә Котлы Бүкәш авыл җирлеге башлыгы Нәҗипов Рәшит Гәзиз улы, шушы мәктәптә күп еллар буена георгафия фәне укыткан,ветераннар советы рәисе Адиуллина Хәтимә Вәгыйз кызы килде. Иң элек укучылар белән әңгәмә корып алдык. Нәрсә ул изгелек? Кешеләрдәге яхшы сыйфатлар? Игелекле кеше нинди була? Безнең халкыбыз элек-электән изге күңелле, ярдәмчел, игелекле,киң кунелле,изге йөрәкле булуы белән аерылып торган. Безнең бабаларыбыз тирә-юньдәгеләргә яхшылык китерерлек,башкаларның кәефен төшермәслек итеп яшәргә кирәклеген әйтеп калдырганнар. Изгелекләр генә эшлик!”.