Шушы көннәрдә мәктәбебездә татарча көрәш  бәйгесе үтте. Бәйге, Котлы Бүкәш мәктәбендә укып чыккан авылдашыбыз Әкъмәлетдинов Илгиз истәлегенә багышланган иде. Биредә К-Букаш , спорт мәктәбе,Балык бистәсе агротехник  көллияте, Юлсубина, Яңа Арыш,Урахча,Күгәрчен, Шомбыт, Масловка,Олы Елга,Лаеш районыннан да килгән командалар көч сынаштылар. Мондый ярышлар иганәчеләрсез барып чыкмас иде. Һәрбер елны шушы бәйгегә зур бүләкләр белән килгән иганәчеләребезне атап китмичә мөмкин түгел: ПО“Кама” кулланучылар җәмгыятенең җитәкчесе Бариев Раиль Гәптелнәгыйм улы,сыйныфташлары, Сибгатуллин Айрат, Ибәтуллин Айрат, Демидов Иван, Юнусов Ренат, Усманов Илшат, Мәннанов Ирек .Мәктәбебез командасы Гайфуллин И.Г җитәкчелегендә беренче урынны яулады. Алга таба да уңышларыбыз күп булсын. Әфәрин, укучылар!