Әхмәт абый үзенең улы Ихтыяр һәм Татарстанның Халык җырчысы, профессор, укытучы Мингол Галиев белән бергә килеп укучылар белән очрашу кичәсе үткәрделәр. Башта мәктәп укучылары "Шагыйрьнең йөрәк бәйрәме" дип  аталган әдәби-музыкаль кичә күрсәттеләр. Кичәдә шагыйрь иҗат иткән җырлар һәм шигырьләр яңгырады. Әхмәт абый мәктәптә укыган елларын, укытучыларын искә төшерде, аларга рәхмәтләрен җиткерде, шигырьләрен укып күрсәтте. Мингол Галиев халык җырларын оста итеп башкарды, югары сыйныф укучыларын үзе эшләгән КФУ эшчәнлеге белән дә таныштырды, үзләренә укырга чакырды. Әхмәт абыйның улы Ихтыяр әтисенең шигырьләрен русчага тәрҗемә итә икән. Ул үзенең тәрҗемәләрен укыды.

Бәйрәмдә мәктәп укучылары, лаеклы ялдагы укытучыларыбыз, мәгариф бүлеге җитәкчесе Садыйков Илсур Мансурович, якташ шагыйребез Рәсимә апа Гарифуллиналар катнашты.