Муниципальное бюджетное общеобразовательное учреждение «Кутлу-Букашская средняя общеобразовательная школа» Рыбно-Слободского муниципального района РТ/Татарстан Республикасы Балык Бистәсе муниципаль районы муниципаль бюджет гомуми белем учреждениесе “Котлы-Бүкәш урта гомуми белем мәктәбе”
Визитная карточка
Адрес: | 422665, Республика Татарстан, Рыбно-Слободский район, с. Кутлу-Букаш, ул. Шаймарданова, д. 2 422665, Татарстан Республикасы, Балык Бистәсе районы, Котлы Бөкәш авылы, Шәймәрданов ур., 2 |
Телефон: | +7(843)-613-12-43;+7(843)-613-13-92 |
E-Mail: | skb.rs@tatar.ru |
Министерство: | Министерство образования и науки Республики Татарстан |
Короткое название: | МБОУ «Кутлу-Букашская средняя общеобразовательная школа» Рыбно-Слободского муниципального района РТ |
Руководитель: | Салахиев Накиф Юнусович |
Год основания учреждения: | 1937 |
У нас учатся: | 142 |
У нас учат: | 36 |
Муниципальное бюджетное общеобразовательное учреждение «Кутлу-Букашская средняя общеобразовательная школа» Рыбно-Слободского муниципального района РТ/Татарстан Республикасы Балык Бистәсе муниципаль районы муниципаль бюджет гомуми белем учреждениесе “Котлы-Бүкәш урта гомуми белем мәктәбе” - новости
Страницы: << 161 162 163 164 165 166 ( 167 ) 168 169 170 >>
-
Бозда сак булыгыз! 24.11.2015
Мәктәбебездә башлангыч сыйныф укучылары өчен “Бозда сак булыгыз !” дигән тема астында балалар рәсемнәре конкурсы узды. Конкурс Мәгариф һәм фән министрлыгы тарафыннан Татарстан Республикасы Гражданнар оборонасы эшләре һәм гадәттән тыш хәлләр министрлыгы белән берлектә оештырыла. Конкурсның максаты – сулыкларда үзеңне тоту буенча куркынычсызлык кагыйдәләре белән таныштыру, кышкы вакытта сулыкларда балалар катнашында килеп чыккан бәхетсезлек очраклары турында кисәтү. Рәсемнәрнең иң яхшы дип тапканнарын район балалар иҗат үзәгенә җибәрдек.
-
И мөкатдәс туган телем! 20.11.2015
Безнең туган телебез – татар теле зур тарихлы, бай, җырлы-моңлы тел.
Төрле-төрле исем йөртсәк тә без,
Төрле-төрле җирдә яшәсәк тә,
Тик бер генә туган илебез,
Тик бер генә туган телебез.
– Туган тел! Һәркем өчен дә газиз бу сүз. Чөнки иң кадерле, бер ни белән дә алыштырып булмый торган “әти”, “әни”, “әби”, “бабай” сүзләрен туган телдә әйтәбез.Туган – үскән илнең якынлыгын, Ватанның газизлеген тоярга да безгә нәкъ менә туган тел ярдәм итә.
20 нче ноябрь көнне башлангыч сыйныф укучылары арасында “И мөкатдәс туган телем!” исеме астында сәнгатьле шигырь уку бәйгесе узды. Бу бәйгедә һәр сыйныф укучылары арасыннан татар теле, туган телебезгә мәдхия укып шигырь сөйләүдә иң – иң яхшы, сәнгатьле итеп сөйләүдә үзләренең осталыкларын күрсәткән укучылар чыгыш ясады. Менә алар: Әхмәдуллин, Садыков, Шакиров, Бәдретдинова, Низамова, Зиннәтова, Шәмәрданова, Гайсина, Шагиева . Укучыларыбыз бу бәйгедә бик теләп катнаштылар.
-
Әкияттә кунакта 20.11.2015
19 нчы ноябрь көнне башлангыч сыйныф укучылары арасында, «Әкияттә кунакта” исеме астында рәсем бәйгесе узды. Укучылар бик матур рәсемнәр ясаганнар иде.
-
Реализация технического творчества в рамках республиканских проектов. Робототехника
20.11.2015
19 ноября на базе нашей школы состоялось семинар-совещание заместителей директоров по воспитательной работе общеобразовательных учреждений Рыбно-Слободского муниципального района РТ на тему «Реализация технического творчества в рамках республиканских проектов. Робототехника». Наши учителя Закирова Л.М. и Гилазиев Р.Ш. показали содержательные мастер-классы в рамках этого мероприятия.
-
Күңелле кичә. 19.11.2015
19 нчы ноябрьдә, татар халык авыз иҗаты атналыгы кысаларында, башлангыч сыйныф укучылары арасында “Татар халык җырларын» иң оста башкаручы бәйгесе үткәрелде. Укучылар милли киемнәрдән киенеп татар халкының борынгы җырларын җырлап кына калмадылар, ә күңелле итеп сәхнәләштереп тә күрсәттеләр. Бу бәйгедә укучылар үзләренең җырга гына түгел, биюгә дә оста икәнлекләрен күрсәттеләр. Җырлар уенлы - бию күренешләре белән үрелеп барды. Җыр бәйрәме нәни укчыларыбыз күңеленә бик хуш килде. Чыннан да, туган телдә яңгыраган халык җырлары – тәрбиядә башка бернинди чара белән дә чагыштырмаслык һәм алмаштырмаслык хәзинә ул!
-
Тапкырлага-табышмак 18.11.2015
17нче ноябрь көнне башлангыч сыйныфлар татар-халык табышмакларын әйтешеп көч сынаштылар.
Тапкырлар без, тапкырлар,
Юк без йөрмәгән юллар.
Юк без белмәгән табышмак,
Әйдә, дустым, әйтеп бак!
Табышмакка җавап табу өчен, ут кебек зиһен йөгереклеге кирәк. Ул үзе кечкенә булса да, эче төш кенә. Аның шул төшен табу кызыклы. Тик моның өчен хыялың бай һәм җитез, зиһенең йөгерек булу кирәк.
Бүгенге чара халык авыз иҗатының бер төре булган табышмаклар турындагы белемнәрне ныгыту, тирәнәйтү, укучыларның сөйләм телен, логик фикерләү дәрәҗәсен үстерү, балаларда тапкырлык, җитезлек, зирәклек кебек сыйфатлар тәрбияләү, татар теленә-туган телебезгә мәхәббәтне арттыру максаты белән үткәрелде.
-
“Мәкальләр эстафетасы” 18.11.2015
Тәрбия һәр халыкта аның туган теле белән бергә барлыкка килгән. Дөньяда телсез яки җырсыз-моңсыз халык булмаган кебек, мәкальсез халык та юктыр.Һәр халык сүз арасында мәкальләр кушып сөйләргә ярата, үз телен аның белән бизи, төзи. Һәркайда, һәр халыкта үз мәкальләренә хөрмәт бар, аларга ышану, таяну бар. Мәкальләр кешедә яхшы сыйфатлар тәрбияли, яман гадәтләргә каршы көрәшә.
Мәктәбебездә татар халык авыз иҗаты атналыгы кысаларында бүген башлангыч сыйныф укучылары арасында “Мәкальләр эстафетасы” уздырылды. Бу чараның максаты укучыларда кешелеклелек, шәфкатьлелек, мәрхәмәтлелек, гаделлек, тыйнаклык кебек матур сыйфатлар тәрбияләүгә багышланды.
-
Уйныйбыз да, җырлыйбыз да. 18.11.2015
Татар халкы уен-көлкегә, җырга-моңга бик оста халык. Безнең әби-бабаларыбыз борын - борынгыдан уеннарны яратып уйнаганнар. Татар халык уеннары балаларның иң яраткан шөгыле. Ул уеннар тизлек, зирәклек, җитезлек сорый. Татар халык авыз иҗаты атналыгы кысаларында башлангыч сыйныф укучылары белән халкыбызның онытылып бара торган уеннарын искә төшердек. “Кәрия-Зәкәрия”, “Түбәтәй”, “Гөлбану”, “Миңлебай,” “Наза”,”Түгәрәк уены”,”Йөзек салыш” уеннары уйнадык. Һәр уенның үзенә генә хас җыры, көе бар.Уеннар балаларга төрле яктан ачылырга ярдәм итә, акыл,аралашу үсешенә йогынты ясый
-
Әкиятләр иленә сәяхәт 17.11.2015
Әкиятләр иленә сәяхәтне бүген башлангыч сыйныф укучылары татар мультфильмнарыннан башларга ниятләделәр.
“Мультфильм” сүзен ишеткәч, күз алдына күңелле һәм кызыклы күренешләр килеп баса. Нинди соң ул хәзерге заман мультфильмнары? Аларның нинди начар һәм яхшы яклары бар соң? Чыннан да аларны бертуктаусыз карарга ярыймы? Ни өчен өлкәннәр кайбер мультфильмнарны карарга рөхсәт итәләр, ә кайберләрен нинди генә матур булмасын, каратмыйлар?
Менә шушы сорауларга җавап эзләп, киңшәләшеп-фикерләшеп, уртак фикергә килеп нәтиҗә ясадылар бүген башлангыч сыйныф укучылары.
Ә менә татар халык әкиятләре буенча эшләнгән мультфильмнар аеруча игътибарга лаек, чөнки татар халык авыз иҗаты әсәрләрен балалар кечкенәдән белеп үсәргә тиешләр. Аларда бит борынгы бабаларыбызның әйтергә теләгән фикерләре, хикмәтле сүзләре төрле әкият геройлары аша бирелгән. Бу әсәрләр яхшылыкны яманлыктан, дөресне ялганнан, гаделлекне икейөзлелектән аерырга өйрәтә. Мультфильмнар балаларның үсешенә һәм аңына бик каты тәэсир ясый. Бер яктан караганда бу- матур, образлы, мавыктыргыч, гади мультфильмнар. Алар баланың аңында яхшылык һәм явызлык, тәрбиялелек һәм тәртипсезлек турында күзаллаулар тудыра. Үзен андагы геройлар белән чагыштыру нәтиҗәсендә бала авырлыкларны җиңеп чыгарга, башкаларга мәрхәмәтле булырга өйрәнә. Бу мультфильмнардагы вакыйгалар балаларны дөрес тәрбияләргә өйрәтә,аларның фикерләү дәрәҗәсен, фантазияләрен үстерә, дөньяны танып белергә өйрәтә.
-
“ Тел-күңел көзгесе” 16.11.2015
16 нчы ноябрьдән башлангыч сыйныфларда татар халык авыз иҗаты атналыгы башланып китте. Беренче көнне hәр сыйныфта да “ Тел-күңел көзгесе” дип исемләнгән сыйныф сәгатьләре уздырылды. Ә моның максаты : укучыларда сөйләм телләрен , фикерләү сәләтләрен камилләштерү, туган телебезгә, туган илгә , үз халкыңа мәхәббәт, хөрмәт , горурлык хисләре уяту.Сыйныф сәгатендә тел турыда мәкальләр, табышмаклар, тизәйткечләр әйтелде, телнең ни дәрәҗәдә кыйммәт икәнлеге турында сөйләп кителде.