“Сабантуй” журналы хезмәткәрләре белән очрашулар безнең мәктәпнең традициясенә әверелде. 11 нче ноябрь көнне Татарстанның атказанган мәдәният хезмәткәре, баш мөхәррир урынбасары Рәзинә Әхтәм кызы Исмәгыйлова белән очрашу үткәрелде. Анда журналның 90 яшьлек юбилее, тарихы һәм киләчәге  турында сүз алып барылды, чыгышлар ясалды. Балалар басылып чыккан шигырьләрен, редакциягә җибәреләчәк мәкалә һәм әкиятләрен укыдылар, үзләрен борчыган, кызыксындырган сорауларын да бирделәр.

 Кичә ахырында викторина сорауларына җавап биргән укучыларга, бүләк итеп, журналлар  таратылды.

Бу очрашу безнең күңелдә якты истәлек булып калды.