20нче  майда Г. Тукай исемендәге Татар язучылары клубында  мәктәбебез укучылары һәм укытучылары (Ә.Н. Рәхиева, М.Т.Инсафетдинова)  танылган шагыйрьләр: Равил Фәйзуллин һәм Йолдыз Миңнуллина; “Сабантуй”, “Ялкын”, “Идел” журналлары хезмәткәрләре белән очрашуда катнаштылар, үзләренең дә талантлары белән сокландырдылар. Инсафетдинов Э. (7 е-м кл.) “Тәфтиләү” көен курайда уйнады, Идрисов Р.(7м кл.) Г.Тукайның мәсәлен сөйләде, 5г сыйныфы укучысы  Кәримуллина А. үзе язган “Тукайны беләм” шигырен укыды һәм Гарипова  А. белән  М.Җәлил сүзләренә язылган “Җилбер- җилбер” җырын  җырладылар.

Мәктәбебезнең “Шатлык” фольклор ансамбле җитәкчесе Г.Х.Сабирова чыгышы да күңелләргә хуш килде.

        Очрашу бик кызыклы һәм файдалы булды. Укучылар  балалар журналлары  хезмәткәрләре  тарафыннан бирелгән бүләкләр белән кайттылар.