Мәктәпнең эш көне Туган телләргә багышланган тантаналы әдәби-музыкаль линейка белән башланып китте. Укучылар төрле телләрдә  туган тел турында шигырләр сөйләделәр, җырлар җырладылар, Туган телләр көне турындагы презентациядән күп кызыклы мәгълүмат алдылар.

Һәркем өчен үзенең туган теле иң матур, иң газиз,иң назлы, иң моңлы тел. Актлар залында уздырылган чара бөек шагыйребез  Г.Тукайның “Туган тел” җыры белән тәмамлады . Барлык укучылар һәм укытучылар аны аягүрә басып,  ике дәүләт телендә дә җырладылар.

            Бүген туган телләргә багышлап сыйныф сәгатьләре дә  үткәрелде, декада дәвам итә, алда кызыклы очрашулар көтә.