Милли бәйрәмгә әзерлек эшләрен алдан ук алып бардык: балалар белән шигырьләр, җырлар өйрәндек. Ачык һавадагы спорт мәйданчыгын төрле төстәге флагчыкла, шарлар белән бизәдек. Бәйрәм көнне исә мәйданда халык уеннары һәм спорт ярышлары тынмады. Балалар җырлап-биеп күңел ачты, уеннарда теләп катнашты. Сабантуйга татар халкының яраткан шагыйре Габдулла Тукай әкиятеннән Шүрәле кунакка килде. Шүрәле уеннары нәниләрне җәлеп  итте.Балалар уеннарда катнашып истәлекле бүләкләр оттылар. Катнашучылар бик канәгать калдылар.

Бу бәйрәмне оештыруда физик тәрбия җитәкчесе Ибрагимова А.И., балаларны татар теленә өйрәтүче тәрбияче Бурганова А.К.,  өлкән тәрбияче Михайлова М.П. хезмәтен билгеләп үтәсе килә.