Илебездә 9 нчы Май Җиңү көне буларак билгеләп үтелә. Тик шулай да, күпме еллар узса да, халык хәтерендә Бөек Ватан сугышы иң авыр, иң дәһшәтле сугыш буларак сакланыр, һәм халкыбызның кылган батырлыклары һәрвакыт хөрмәт һәм соклану белән искә алыныр. .Ел саен 9 нчы Май көнендә Бөек Җиңүгә багышланган бәйрәм парады булып уза.  Анда күкрәкләренә орден-медальләр таккан чал чәчле ветераннарны күргәч, безгә тыныч тормыш бүләк иткән өчен рәхмәт хисе уяна. Чал чәчләреннән сыйпыйсы, дөньядагы иң матур сүзләр белән юатасы, мең рәхмәт әйтәсе килә аларга! Үз чиратыбызда без дә балаларда патриотик хисләр тәрбиялибәз. Бүген без барлык төркемнәрдәге балалар белән  музыка җитәкчесе һәм тәрбиячеләр оештыруында уздырылган парадка чыктык. Балалар шигырьләр сөйләделәр,җырладылар,тынычлык һәм дуслык темасына бию күрсәттеләр.Бәйрәмне балалар парад белән тәмамладылар. Парадны карарга әти-әниләр дә килгән иде.