Апрель ае диюгә безнең хәтергә бөек шагыйребез Габдулла Тукай килә.  Үз чиратыбызда без дә татар теле буенча тәрбияче Алина Камилевна һәм музыка җитәкчесе Әлфия Фәридовна белән, зурлар һәм мәктәпкә әзерлек төркеме катнашуында,  Габдулла Тукай иҗатына һәм тормышына багышланган матур кичә үткәрдек. Балалар Габдулла Тукай әкиятләрен белүен, андагы персонажларны үз итүләрен, шигырьләрен яратып сөйләүләрен күрсәттеләр. Ямь өстенә ямь дигән кебек икенче көнне бакчабызга Татар дәүләт Курчак театры килеп, бөек Тукаебызның “Су анасы” әкиятен сәхнәләштерделәр. Балаларга бу аеруча ошады. Шушы әкият аша алар караклыкның нинди начар әйбер булуына, чит әйбергә рөхсәтсез кагылырга ярамаганлыгына тагын бер кат төшенделәр. Курчак театрына безгә шундый матур, мәгънәле әкият күрсәтүләре өчен зур рәхмәт!