Элек-электән татар халкы, көн белән төн тигезләшкән 21-22 март көннәрендә,  әлеге күркәм бәйрәмне билгеләп узган. Бүген безнең балалар бакчасында чын мәгънәсендә бәйрәм рухы хөкем сөрде. Җыр, бию, шигырь, уеннар тынып тормады. Һәр бала бу көнне үз осталыгын күрсәтеп калырга ашыкты. Яз килүенә сөенеп, Нәүрүз бәйрәмен котлап, балалар матур җырлар җырлады.Бу көнне кояш та безгә үзенең җылы нурларын кызганмады. Төрле уеннар да читтә калмады: “Капкалы” , “Йозаклы”, “Парлашу”. Бу уеннар аша без балаларда татар халкының милли йолалары, көнкүреше, тарихына мәхәббәт уятабыз.