Әдиләнең искиткеч көчле тавышы, зур сәхнәдә югалып калмавы соклангыч булды. “Туган халкымның моңлы җырлары 3 яшемнән күңел түрендә. Һәр җырымны яратып, йөрәгем аша үткәреп башкарырга тырышам. Моңа музыка мәктәбен гел "5" ле билгеләренә тәмамлавым бик ярдәм итә. "Күңелдә мәңге яз", "Казан сандугачы", "Кунаклашу" һәм башка бик күп республика һәм халыкара конкурсларда катнашып, дәрәҗәле урыннар яулавым мине тагын да биегрәк үрләргә чакыра. Татар моңы миңа бик якын!”- ди Әдилә, горурланып. Бу бәйге киләчәгеңне иҗат белән бәйләргә, профессиональ музыкаль белем алыр­га ярдәм итсен, Әдилә! Без синең белән горурланабыз!