2024 нче елның 3 нче  декабрендә Казанның «Әкият» балалар курчак театрында «Сәйяр» театр төркемнәре фестивале җиңүчеләрен бүләкләү тантанасы булды. Чарада республиканың 35 районыннан фестивальнең зона этабында җиңүче балалар катнашты. Муниципаль этапта 1000 нән артык коллектив чыгыш ясады, ә республика этабына 336 эш кабул ителде. Барлыгы татар телендә – 309, чуаш телендә – 14, мари телендә – 3, удмурт телендә - 8, мордва телендә 2 чыгыш каралды. Конкурста республиканың мәктәпкәчә белем бирү оешмалары актив катнашты. Аларның 34е фестивальнең зона этабына үтәргә лаеклы дип табылды. Зона этаплары 22 нче октябрьдән 14 нче ноябрьгә кадәр Әлмәт, Яр Чаллы, Буа, Арча, Казан шәһәрләрендә булып узды. Вахитов районының  катнаш төрдәге 273 нче балалар бакчасы гран-прига ия булды. Вахитов районының 116 нчы  лицее һәм Идел буе районының 16 нчы гимназиясе  театр төркемнәре лауреат исеменә лаек булдылар. Афәрин!