2023 нче елның 29 нчы  августында 186 нчы лицей базасында Вахитов һәм Идел буе районнары  милли эшләр буенча директор урынбасарларының «Яңа ФДББУ стандартларын  гамәлгә ашыру шартларында туган (татар) телен һәм әдәбиятын укытуда инновацион юнәлешләр» темасына секция утырышы үтте. Вахитов һәм Идел буе районнары буенча Казан шәһәре мәгариф идарәсе бүлеге җитәкчесе урынбасары Аббязова Лилия Ринат кызы “Вахитов һәм Идел буе районнарында милли мәгариф үсеше: стратегик юнәлешләрдән конкрет нәтиҗәләргә” дигән  темага чыгыш ясады. Милли эшләр буенча мәгълүмати-методик бүлек секторы методисты Самойлова Ләйлә Әхмадулла кызы “Туган телләрне саклауда һәм үстерүдә милли мәгарифнең роле. Узган уку елын анализлау. Яңа уку елына бурычлар”  темасына  чыгыш ясады һәм яңа уку елына куелган бурычларга басым ясады. Утырышта Казан федераль университетының гомуми тел белеме һәм тюркология кафедрасы доценты, Татарстан Республикасының атказанган укытучысы Фәтхуллова Кадрия Сөнгать кызы Татарстан Республикасы Фәннәр академиясе Г.Ибраhимов исемендәге тел, әдәбият һәм сәнгать институтының мәгариф бүлеге җитәкчесе Мөхәрләмова Гөлназ Нурфат кызы да чыгыш ясадылар. 21нче гимназиянең иҗади эшләүче туган (татар) тел укытучысы Хәбибрахманова Минзилә Мөдәрис кызы мастер-класс күрсәтте. Секция ахырында бүләкләү тантанасы булды.