Бүген Вахитов районының 27 нче гимназияседә Казан шәһәре милли гомуми белем бирү учреждениләре идарәче командалар өчен “Милли гимназиянең белем бирү кмңлегендә педагогик кадрларның проект компетенцияләрен үстерү процессы белән идарә итү” дигән темага семинар үткәрелде. Әлеге шәһәр семинары кысаларында  гимназия директоры Люция Гапхадиевна һәм мәктәп укытучылары үзләрендә гамәлгә ашырылучы проектлар белән таныштырдылар. Проектлар офисының педагогик кадрларның проектлаштыру компетенциясен үстерү чарасы икәнлеген һәм милли гимназия шартларында уңышка ирешүдә аларның роле мөһим икәнен күрсәттеләр.