Агымдагы елның 27 нче апрелендә Идел буе районының 88 нче мәктәп базасында Роберт Миңнуллин исемендәге  I республикакүләм фәнни-гамәли конференция булып узды. Конференцияне Татарстанның халык шагыйре Роберт Мөгаллим улы Миңнуллин үзе ачып җибәрде. Әлеге конференциядә Г.Ибраһимов  исемендәге тел, әдәбият һәм сәнгать институты, Казан федераль университеты  галимнәре, район мәгариф хезмәткәрләренең  профсоюз председателе Г.А.Шәрипова, мәгариф бүлеге методисты М.В.Җиһангирова катнашты.  Конференциядә Татарстан республикасы районнарыннан, Казан шәһәреннән 200 дән артык укучы һәм балалар бакчасында тәрбияләнүче балаларның чыгышлары шагыйрьнең күңеленә хуш килде.