Безнең мәктәпнең педагогик коллективы «Укыту-тәрбия процессында укучыларның иҗади мөмкинлекләрен үстерү»дигән проблема өстендә эшли. Укытучылар балаларга төпле белем бирү, аларның фикерләү, иҗади сәләтләрен үстерү, шул юнәлештә мөстәкыйль эшләргә өйрәтү максатыннан, уку-укыту процессының төрле метод алымнарын кулланып, яңа заманча технологияләргә нигезләнеп эшлиләр. Дәресләрдә, класстан тыш чараларда сәләтле балалар белән эшләүгә, төрле яклап тәрбия бирүгә зур әһәмият бирәләр. Алар көне буе мәктәптә булу өстенә, кичләрен клубта концерт-спектакльләр куярга да, сайлауларда агитататор эшләрен башкарырга да, ата-аналар белән очрашырга да өлгерәләр. Үз хуҗалыклары, гаиләләрендә-  тырыш хуҗа һәм хуҗабикәләр. Белмим, ничек бөтенесенә дә өлгерәләрдер. Һәр елны мәктәп укытучылары үзләренең концертлары белән авыл халкы алдында чыгыш ясыйлар. Авыл халкы бу концертларны көтеп ала. Менә быел да, укытучыларыбыз традиция буенча, үзләренең концертларын куярга әзерләнәләр. Кыскасы - иң актив кешеләр.

     Укытучылар концерты  28 нче февраль көнне була. Концертка рәхим итегез!