Безнең балалар бакчасында Космонавтика көненә багышланган тематик атна узды. Төркемнәрдә космик киңлекне яулап алган кеше - Юрий Гагарин, беренче хатын-кыз космонавт Валентина Терешкова, кешенең дүрт аяклы дусларының йолдызларга юл салуы, зур һәм кечкенә планеталар, аларның үзлекләре турында әңгәмәләр үткәрелде. «Космонавтика көне» уңаеннан балалар рәсемнәре һәм кул эшләнмәләре күргәзмәсе оештырылды. Космос темасы балалар өчен бик кызыклы, чөнки галәм - ул матурлык, ул серлелек, яңа белемнәр һәм фантазия өчен киңлек.