Бүген Көек авылының 'Елмаю' исемендәге 3 нче номерлы Билингваль балалар бакчасында, татар халкының каһарман улы, патриот - шагыйрь Муса Җәлилнең тууына 120 ел тулу уңаеннан "Гомеремне дә бирәм халкыма" дип исемләнгән мәктәпкәчә яшьтәге балалар арасында шигырь уку бәйгесе булды. Чарада бакчадан 55 бала катнашты. Алар сөекле шагыйребезнең шигырьләрен яттан сөйләп иҗади осталыкларын күрсәттеләр, жюри тарафыннан бәяләнделәр, дипломнар, грамоталар белән бүләкләнделәр. Әлеге бәйгене үткәрү максаты: Муса Җәлил шигырьләре аша балалар арасында татар теленә, әдәбиятка мәхәббәт, кызыксыну уяту, балаларның сөйләм телен, сәнгатьле уку күнекмәләрен үстерү, балаларда күркәм сыйфатлар тәрбияләү.