Мәктәптә Г. Тукайның тууына 130 ел тулу уңаеннан оештырылган айлык тәмамланды. Г. Тукайның тормыш юлы, иҗаты турында шактый гына мәгълүматлар яңартылды, ныгытылды. Тукай иҗаты буенча рәсем бәйгеләре, сәхнәләштерү, китап уку чаралары, сәяхәтләр, сәнгатьле уку ярышлары оештырылды, тест сорауларына җавплар алынды, көйгә салынган шигырьләре өйрәнелде, альбомнар каралды. Мультфильмнар, документаль фильмнар, спектакльләр каралды. Тукай премиясе лауреатларының исемлеге белән таныштырылды. Рәссамнарның һәм сынчыларның Тукайга багышланган эшләре каралды.

***

Эчем пошса,

Моңсулансам кайчак,

Тукайны мин алам кулыма, - 

Актаргалыйм аны әкрен генә,

Тукталгалыйм кайбер юлына...

Һәм укып та китәм - ябышып калам, - 

Бит артыннан битләр укыла;

Әле генә булган уйчанлыгым

Сизелмичә генә онтыла.

Алҗып калсам төннәр утырганда,

Чишәлмичә шигърем төенен, - 

Тукай белән Такташ кул сузалар, - 

Җаен табам җуйган көемнең.

Берсе миңа асыл фикрен бирә,

Икенчесе шаян моң моң бирә;

Хисләремнең алар ак чишмәсе - 

Гөлләремә яшәр дым бирә.

        Шәйхи Маннур.