27 декабрь көнне Чулпан балалар бакчасында Яңа ел бәйрәмен  3-7 яшьлек балалар    ачып җибәрде. Балалар үзләрен чып-чын әкият дөньясында итеп хис иттеләр, чөнки алар янына ерак-ерактан Кыш бабай һәм Кар кызы килде.Балалар бәйрәм дәверендә күңел ачып кына калмадылар, ә алган белемнәрне әти-әниләргә, килгән кунакларга да күрсәтеп, яңа белемнәр тупладылар.Яңа ел иртәсе дәверендә кул чуклары, сөйләм, хәрәкәт үсешенә игътибар бирелде. Балалар әле кечкенә булсалар да Кыш бабайны шигырьләр сөйләп, биюләр биеп, җырлар җырлап куандырдылар, ә Кар кызы белән хәтта качышлы да уйнарга өлгерделәр, кыңгыраулар белән биеп күрсәттеләр, кечкенәдән үк дус-тату яшәргә кирәклегенә төшенделәр.Кыш бабайның югалган бияләен эзләгәндә, үзләреннән дә зур бияләй табып алу һәм ул бияләй эченнән күчтәнәчләр килеп чыгу балалар өчен чын тылсым булып торды. Яңа ел иртәсеннән килгән кунаклар, балалар, әти-әниләр һәм тәрбиячеләр бик канәгать калдылар.

27 декабря  в МБДОУ  “Детский сад №37 с.Чулпаново” прошел новогодний утренник, на котором  дети погрузились в мир чудес, приключений, невероятных превращений и сюрпризов. Дед Мороз со Снегурочкой наградили ребят сладкими подарками,с ними вместе в гости пришли сказочные персонажи.Воспитанники читали стихи,исполняли  песни ,танцевали,играли ,веселились.Мы надеемся, что праздничное настроение и хорошее впечатление от сказочных представлений останутся надолго!