Бүген мәктәптә "Бергәләп эшлик" дигән  темага экологик  сыйныф сәгате булып узды. Нуруллина Гөлнур Әсхать кызы  бу чараны бик эчтәлекле итеп үткәрде.  Чистайдан килгән кунакларга да дәрес бик ошады.

Белем бәйрәме уңаеннан мәктәбебездә  бәйрәм кичәсе, соңыннан "Тынычлык дәресләре" һәм "Хезмәткә һәм илне сакларга әзер" дигән темаларга сыйныф сәгатьләре булып узды.

30 май көнне Шахмай урта мәктәбендә "Бәхетле балачак" балалар фестивале булып үтте. Фестиваль Сабан туй стилендә узды. Бәйрәмгә һәр  мәктәпнең иң иҗади, иң актив, иң уңган балалары җыелган иде. Мактау грамоталары, бүләкләр, сюрпризлар,  уеннар - барсыда балалар өчен иде ул Сабан туйда. Район укучыларының уңышлары  бик күп булган узып киткән уку елында.

Бүген безнең мәктәптә татар халык ашлары көне үткәрелде.Укучылар әниләре ярдәмендә пешерелгән ризыклар белән сыйландылар, милли уеннарны, җыр -  биюләрне искә тешерделәр.

16 нчы май көнне Актанышта "Гамил АФзал укулары" IV республика фәнни - тикшеренү конференциясендә катнашып, Салахова Гөлфия Әсхать кызы "Башлангыч сыйныфларда заманча белем бирү технологияләре: проект һәм тикшеренү эшчәнлеге" дигән темага чыгыш ясады. --

Олы ихтирамыбызга лаек ветераннарыбыз – яу кырларында дошманга каршы сугышкан, тылда көнне төнгә ялгап эшләгән, үсмер килеш тормыш арбасына җигелүгә мәҗбүр булган өлкән буын вәкилләре! Йөрәкләребездә сезгә карата рәхмәт һәм хөрмәт хисләре кабат яңара, без сезнең тиңдәшсез батырлыгыгыз, фидакарь хезмәтегез белән чын күңелдән горурланабыз. Бәйрәм көннәрендә без сугышлардан әйләнеп кайта алмаган бабаларыбызны, туганнарыбызны искә төшереп, алар өчен дога кылабыз.
Совет иленең азат халкы батырлыгы беркайчан онытылмас, якты йолдыз булып, яшь буыннарга дөрес юл күрсәтер, Ватанны сөяргә, туган илең хакына көрәшергә өйрәтер. Рәхмәт сезгә, хөрмәтле ветераннарыбыз! Гомерегез озын, сәламәтлегегез нык, көннәрегез тыныч булсын иде!

Башлангыч сыйныф укучысы Кәлимуллин Тимур Җиңүнең 70 еллыгына багышлап самолет моделен эшләде.

Безнең мәктәп укытучылары Бөек җиңүнең 70 еллыгына багышланган велосипед йөрешләрендә