Новости Шахмайкинского детского сада

Экология дөньякүләм әhәмиятле, мөhим мәсьәләләрнең берсе булып тора. Ул үзенең актуальлеге, үткенлеге белән бүген бөтен кешелек алдына килеп басты. Чөнки киләчәк буыннар язмышын фән-техника казанышлары түгел, ә җир-суларның экологик торышы хәл итәчәк, җитештеру эшчэнлегенең тизлеге арткан саен, экологик проблемалар кубәя бара. Экология проблемасынын глобаль проблема булып, аның узебез яши торган урында да чагылуы тәрбиячедэ борчылу тудыра hәм төрле педагогик эшчәнлеккэ этәрә. Экологик аңлылык, фикерлэү дәрәҗәсе, – болар килеп туган хәлдән чыгунын бердәнбер юлы булып тора. Ә моңа балаларга кече яшьтән экологик тәрбия биреп кенә ирешергә мөмкин . Табигатьне кузәту, аны өйрәнү, сакларга омтылу – балаларның рухи дөньясын баета, уйларга өйрәтә. Бакчабызда төрле матур чәчәкләр утырттык. Балалар шау чәчәктә утырган үсемлекләрнен матурлыгын куреп сокланалар. Әгәр даими тәрбияләмәсәң, аларнын шулай усмәячәген, усемлекләрнең дә тере табигать икәнен, аларның үсешенә яктылык, су сибеп тору, төпләрен йомшарту кирэк икэнен үз күзләре белән күреп торалар. Чәчәкләрнең төренә, нинди табигать шартларына яраклашып үсүенә карап, тәрбияләү ысуллары да төрле икәнен үзләштерәләр.