Матур,аяз көн. Мин,өстемә өр-яңа формамны киеп, чәчемә ак бант куеп, кулга букет тотып, мәктәпкә ашыктым. Ашыгырсың да, беренче тапкыр мәктәпкә баруым бит! Анда мине ачык йөзле укытучым каршы алды. Шулай итеп,сыйныфташларым белән бергә,мин дә укучы булдым.

Әйе,шушы вакыттан сон күпме вакытлар узган. Инде менә без дә 9нчы сыйныфны тәмамлыйбыз. Күп нәрсә үзгәрде,иң беренче чиратта,әлбәттә,без үзебез. Дөньяга карашыбыз, кешеләргә мөнәсәбәтебез үзгәрде. Җитдилек өстәлде,дип әйтер идем. Әмма мәктәбебезгә һәм укытучыларга карата мөнәсәбәтебез шул ук калды. 

25нче май - Соңгы кыңгырау бәйрәме дә җитте. Бу бәйрәм бөтен бәйрәмнәр арасыннан да иң моңсуыдыр,мөгаен. Укытучылар, килгән кунаклар,әти-әниләребез безгә изге теләкләрен телиләр. Әйе,без башка бу мәктәпнең укучылары булмаячакбыз бит инде. 9 ел гомерең узган мәктәптән аерылу бик авыр икән.Билгеле,безгә генә түгел, укучыларын озату укытучыларга,ата-аналарга да бик авыр. Сыйныфыбызда укучылар саны аз булуына кармастан, Соңгы кыңгырау бәйрәме бик матур узды.

Хөрмәтле укытучылар! Минем дә бүген сезгә әйтер сүзләрем бар. Үзебезнең сыйныф исеменнән сезгә барысы өчен дә бик зур рәхмәт әйтәсем килә. 9 ел буена безгә белем биргән, балагыздай якын күргән, кайгы-шатлыкларыбызны уртаклашкан өчен сезгә бик зур рәхмәт! Кая гына барсак та, без сезне һәм мәктәбебезне беркайчан да онытмабыз. Хуш,мәктәбем!

                                                                                                                                     Сөләйманова Алинә.