27нче апрельдә Акъяр төп гомуми белем бирү мәктәбендә Район Балалар думасына депутат сайлавы булып узды. Чара Акъяр мәктәбенең педагог-оештыручысы Галимова Резидәнең чыгышы белән башланып китте. Аннары методист Рамазанова Алинә бер ел дәвамында эшәнгән эшләргә кыскача күзәтү ясады, сайлауларда гадел булырга чакырды. Шуннан соң 2011-2012 уку елында думаның спикеры булып торган Акъяр мәктәбе укучысы  Сөләйманова Алинә дума һәм аның эшчәнлеге турында презентация күрсәтте. Һәр мәктәптән (17 мәктәп) Мәктәп Балалар думасы депутаты һәм аның педагог-оештыручысы килгән иде. Катнашучылар мәктәп думасы эшләгән эшләр турында презентация күрсәттеләр.  Чыгышлар беткәннән соң, ниһаять, сайлау моменты килеп җитте: катнашучылар бюллетеньгә үзләренә ошаган кандидат өчен аноним рәвештә тавышларын бирделәр. Тавышларны санаганнан соң, жюри әгъзалары нәтиҗәләрне игълан итте: иң күп тавышны җыеп, Район Балалар думасының яңа депутаты Яңа Чишмә гимназиясе укучысы Калмыкова Анастасия булды. Соңыннан кунакларны чәй табыны көтә иде.