1 апрель ел саен кошлар көне буларак билгеләп үтелә. Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан   башлангыч сыйныф  укучылары өчен “Кошлар – безнең дусларыбыз” –    танып-белү сәгате үткәрелде. Балаларга кошлар турында информация бирелде.Укучылар  кошлар турында бик күп кызыклы мәгълүматлар белделәр, кошлар турында табышмакларга җаваплар таптылар һәм ребуслар чиштеләр, мәкаль һәм әйтемнәрне искә төшерделәр, “Кошны таны” уенын уйнадылар.

Нәүрүз - борынгы заманнардан бирле билгеләп үтелә торган язгы һәм төрки халыкларының Яңа елны каршы алу бәйрәме. Әлеге бәйрәм беренче тапкыр Шахмай авыл җирлегендә билгеләп үтелде. Бәйрәм бик күп уеннар, конкурслар, җырлар  белән  үрелеп барды. Безнең мәктәп укучылары да үз куллары белән сыерчыклар ясап "Иң яхшы сыерчык оясы " конкурсында катнашып диплом белән бүләкләнделәр .

Безнең мәктәптә 8 Мартка карата кечкенә генә бөйрәм булып үтте. Укучылар укытучыларны, мәктәп хезмәткәрләрен , укучы кызларны бәйрәм белән котлап шигырьләр сөйләделәр, җырлар җырладылар. Аннан укучы кызлар белән апалар арасында күңелле ярышлар үткәрелде. Бәйрәм бик күңелле үтте. Укучылар да, апалар да бөйрөмнән бик канәгать калдылар.

 Без беләбез, җылы язның

Иң беренче бәйрәме -

Әниләр, әби , кызлар

Хатын-кызлар бәйрәме.

Бер бәйрәм бар февральдә

Кадерле ул һәркемгә.

Аны иң зур бәйрәм диеп

Мөмкин хәтта әйтергә.

Ул тынычлык бәйрәме

Аны һәр кеше белә.

Ватанны саклаучылар.

Бәйрәме дип йөртелә.

21 февраль – Халыкара туган тел көне. Дөньяда җиде меңгә якын тел бар. Шуларның сиксән өче киң таралган. Ә өч йөз сиксән өч тел бөтенләй юкка чыгарга мөмкин. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор. Туган тел... Һәркем өчен дә газиз сүз бу. Чөнки иң кадерле, бернәрсә белән дә алыштырылмый торган “әни”, “әти”,”әби”, “бабай” сүзләрен башлап туган телдә әйтәбез. Шагыйрьләребезнең матур-матур шигырьләрен ятлап, әле дә куанабыз, рухланабыз.

Бу көнне авыл китапханәсендә мәктәп белән берлектә укучыларга туган тел турында әдәби ярыш үткәрелде.Укучылар ярышта шигырьләр сөйләделәр,мәкальләр әйтешеп туган тел турында төрле биремнәр үтәделәр.

Без бит хәзер һәммәбез дә               

    Укый-яза беләбез.

    Моның өчен Әлифбага

    Бик зур рәхмәт, диябез!