Бүген Акбүре авылы җирлегендә прозаик,  публицист,  шагыйрь, Татарстан  Язучылар берлеге әгъзасы,  милиция майоры,  Хезмәт ветераны Шамил Нәфигулла улы Шәйдуллин истәлегенә мемориал такта ачылу тантанасы булды. Мемориал такта Акбүре төп гомуми белем мәктәбе бинасына эленде. Мемориал такта ачу бәйрәменә Татарстан язучылары, җәмәгать эшлеклеләре, ветераннар  җыелды.

Наши 2 фотографии погибшего в войне ВОВ Суниева Хасана Сибгатовича (1919-1942) сохранились его довоенная рубашка.  Экспонат вручила нам его племянница Рашида апа Харисова. Хасан абый был разведчиком, вражеский снаряд оторвал ему голову. Наш односельчанин Мусин Нупгата его похоронил. По сайту "Мемориал" мы дополнили сведение о нашем земляке.

6 нче мартта Акбүре төп гомуми белем мәктәбендә “8 март –Халыкара хатын-кызлар көне” бәйрәме үткәрелде. Бәйрәм, концерт номерлары һәм ярыш белән үрелеп барды. Һәр сыйныф егетләре классташ кызларын, әниләрен, укытучы апаларын бәйрәм белән котладылар.

27 нче февраль көнне 8 нче сыйныф укучысы Юнысова Нәзилә Миншәхит кызы, җитәкчесе Латыйпова Рәмзия Минвәли кызы белән Чистай шәһәренә барып, күренекле язучы, драматург һәм сәясәтче Гаяз Исхакый истәлегенә багышланган "Гаяз Исхакый һәм татар мәгарифе" төбәкара фәнни-эзләнү укучылар конференциясендә катнашып 3 урын алып кайттылар.

25 нче февраль көнне Акбүре авылы мәдәният йортында сугыш һәм тыл ветераннары белән очрашу булды.Очрашуда район вәкиле Кадрия Ярулла кызы Насырова, Акбүре авыл җирлеге башлыгы Җәүдәт Мәхмүт улы Җәләлетдинов, Акбүре төп мәктәбе коллективы һәм укучылары  катнашты. Әлеге мәҗлес Бөек Җиңүнең 70 еллыгы уңаеннан оештырылды.Тыл ветераннарына “1941-1945 еллардагы Бөек Ватан сугышында Җиңүнең 70 еллыгы” исемле юбилей медальләре тапшырылды,үзешчәннәребез җырларын бүләк итте.

20 нче февраль көнне Акбүре төп  гомуми белем  мәктәбендә “23 нче февраль – Ватанны саклаучылар көне”нә багышланган бәйрәм булды. Бәйрәмнең 1 өлешендә укучылар үзләренең әзерләгән концерт номерларын күрсәттеләр, ә 2 өлешендә укучы ир-егетләребез һәм әтиләр көч сынаштылар. Бәйрәм бик күңелле үтте.