Бүген информатика укытучысы 9 нчы сыйныфларга "Угрозы безопасности информации, их виды." дигән темага ачык дәрес күрсәтте. 

21-октябрь көнне, авыл китапханәсендә , башлангыч сыйныфлар белән культура көненә багышланган “Исәнме дус, яңа китап!” дигән тема астында әдәби кичә үткәрелде.   Китапханә мөдире Нуриева М.Г укучыларны балалар әдипләре  белән таныштырды. Яңа китаплар  турында сөйләде. Укучылар да үзләре укыган китаплар буенча  фикерләре белән  уртаклаштылар.

Башлангыч сыйныф укытучылары : Шәйхетдинова Г.Х, Вәлиуллина  Г.Т укучыларны  мәдәни көндәлек белән таныштырдылар. Тутыру тәртибен аңлатып, балаларга көндәлекләрне тараттылар.

Бүген сыйныф җитәкчеләре "Самый Большой Урок в Мире" дигән тәрбия сәгатьләре уздырдылар.

Сегодня классные руководители провели классные часы на эту тему.

Хөрмәтле укытучыларыбыз!

Без сезне һөнәри бәйрәмегез белән чын йөрәктән котлыйбыз! Сезгә авыр,җаваплы, әмма мактаулы эшегездә уңышлар, рәхмәтле укучылар, сәламәтлек, күңел тынычлыгы, сабырлык, гаилә бәхете телибез. Һәрвакыт шулай сабыр, олы йөрәкле, укучыларның чын дусты булып калыгыз.

Җир йөзендә иң-иң матур теләкләрне

Сорасалар, багышларга кемгә, диеп,

Үзенә бик күп йөрәкләрне әсир иткән

Укытучыга, дияр идем, башым иеп.

Иң изге теләкләр белән, Акбүре мәктәбе укучылары.

Бүген мәктәп территориясенә һәм музей территориясенә 10 - чыршы, 10 - юкә, 5 - гөлҗимеш утыртылды.

Бүген мәктәп укучылары һәм мәктәп коллективы "Бөтенрәсәй йөрү көне"ндә актив катнаштылар. Балаларга бергәләп саф һавада йөрү бик ошады.

Хөрмәтле өлкәннәр! Барыгызны да бәйрәм белән тәбрик итәбез. Сез авыр сугыш елларын да, ачлык-ялангачлыкны да сынмыйча-сыгылмыйча уздыгыз, үзегездән соң килгән буынга ныклык өлгесе булдыгыз. Халык хуҗалыгының төрле тармакларында фидакарь хезмәт күрсәттегез. Үзегезнең шәхси үрнәгегез белән яшьләргә хезмәт тәрбиясе бирүгә, аларны ватанпәрвәрлек рухында тәрбияләүгә лаеклы өлешегезне кертәсез. Без сезгә чиксез рәхмәтле. Без сезне һәрчак истә тотабыз. Барыгызга да исәнлек-саулык, озын гомер, көр күңел, шатлыклы аяз көннәр телибез. 

                                                                                                                                                                                                                                                                         Акбүре мәктәбе коллективы