Бәйге ике этапта узачак: 2018 елның 18нче сентябреннән 30нчы ноябренә кадәр һәм 2019 елның 1нче февраленнән 30нчы апреленә кадәр. Һәр этапның нәтиҗәләре буенча һәр муниципаль районда һәм шәһәр округында 3 җиңүче билгеләнәчәк һәм аларга смартфон бүләк ителәчәк. Укучылары иң күп уртача балл җыйган иң актив сыйныф җитәкчеләре өчен аерым номинация булачак.

Бәйгедә катнашу өчен укучыга әти-әнисенә яисә башка өлкән  яшьтәгеләргә uslugi.tatarstan.ru Порталына керергә булышырга һәм укучының edu.tatar.ru сайтындагы (ТР Электрон белем бирү) логинын  шәхси кабинетта саклап куярга кирәк. Өлкәннәр Порталны кулланган саен (электрон рәвештә гариза бирсәләр, хезмәт күрсәтү өчен түләсәләр яисә счетчик күрсәтмәләрен җибәрсәләр) укучыга баллар автоматик рәвештә өстәлеп барачак. Кайсы укучының логинын күбрәк өлкән кулланучы   Порталда үзенең шәхси кабинетына  беркетсә, шуның күбрәк балл җыюга мөмкинлеге артачак.

Сезнең тормыш юлы матур тарих,

Күпләр өчен үрнәк булырлык.

Рәхмәт, дибез, сезгә чын йөрәктән,

Сезнең гомер — безнең горурлык.

Бүген 19 нчы сентябрь көнне Акбүре төп гомуми белем мәктәбендә “Мәдәният дәресе” уздырылды. “Мәдәният дәресе”ндә 13 балага “Укучының мәдәни көндәлеге” бүләк ителде. Көндәлек нәниләргә республикабызның тарихи-истәлекле урыннарына, төрле мәдәни чараларга юл күрсәтеп, рухи байлыкларыбыз белән якыннанрак танышырга ярдәм итәчәк.

        Шул уңайдан безнең мәктәпнең башлангыч сыйныф укучылары да мәктәбебезнең китапханәсендә булдылар. Анда сыйныф җитәкчеләре Билалова А.М., Вәлиуллина Г.Т., мәктәп китапханәчесе Харисова Г.И. һәм авыл китапханәчесе Салихова Л.В. белән берлектә Мәдәни дәрес үткәрелде.   13  укучыга мәдәни көндәлек тапшырылды. Китапханәчеләр һәм сыйныф  җитәкчеләре балаларга һәм аларның әти-әниләренә көндәлек белән эшләү алымнарын аңлатты.  Укучылар китапханә белән таныштылар һәм китаплар алдылар.

Акбүре төп гомуми белем мәктәбендә «Китапка икенче тормыш бүләк ит» акциясе дәвам итә. Акциядә ата-аналар да, чыгарылыш укучылары да теләп катнашалар. Мотыгуллина Рушания Ярулла кызы  мәктәпкә 40 тан әдәби китаплар тапшырды. Акция дәвам итә. Шуңа да өйдә укылмыйча, бер кирәксезгә яткан китапларыгызны мәктәп китапханәсенә тапшырып, сез аларга икенче тормыш бүләк итә аласыз.

11 сентябрьдә Бөтенроссия аеклык көне билгеләп үтелә. Аның максаты - хәмернең зыяны хакында кабат искә төшерү, алкоголизмга җәмәгатьчелек игътибарын җәлеп итү.

Көмеш кыңгыраулы сентябрем,

Алтын аем, уз түрдән.

Бармы икән тагын шулай

Безнең кебек сине үз иткән.

Көмеш кыңгыраулы сентябрем,

Ачып җибәр серләр дөньясын.

Без бәхетле: йөрәк җырын,

Яшьлек җырын дөнья тыңласын.