Акбүре мәктәбенең VIII сыйныф  укучысы район  музеена экскурсиядә, мәдәният йортында спектакльләрдә  булды. Билетлар өчен Пушкин картасы белән түләде.

Акбүре укучылары обелисканы кардан  чистарту  эшләрен  башкардылар. 

"Юнармия" хәрәкәтендә торучы укучылар башлангыч сыйныфларга автоматны сүтү һәм җыю буенча күнегүләр күрсәттеләр.

Акбүре мәктәбендә «Җәлил укулары» IV Халыкара әдәби бәйгесендә укучыларыбыз актив катнашты. 

Китап-ул йөрәк ачкычы,
Көч ул, зиһен түрендә.
Китап белән дус булганнар,
Менә акыл үренә.

Китап-ул белем чишмәсе.
Юлы озын агасы.
Кирәк намус төшенчәсен,
Акыл белән табасы.

Яманлыктан яхшылыкны
Аерырга өйрәтә;
Телсезләргә телләр бирә,
Көйсезләрне көйләтә.

Вөҗдан, намус, акыл биргән,
Китап-ул җан азыгы.
Туган телне саклап калыйк,
Ул бит күңел назлыгы.

Тулып торсын китапларга,
Китапханә киштәсе.
Саекмасын агышлары,
Аксын белем чишмәсе!

Укытучым

Һәр карашың - гыйлем нуры синең,

Һәр сүзеңдә синең изгелек.

Әнидер син, бәлки,

Без дә синең

Бәгыреңнән төштек өзелеп.

Тактадагы акбур белән язган

Һәрбер җөмлә безнең күңелдә.

Мең галимнән якты йолдыз булып

Балкыйсың син белем күгендә.

Галимнәр дә галим була алмый,

Шагыйрьләр дә шагыйрь түгел лә, -

Син утырткан гүзәл гөлчәчәкләр

Шытып чыкмый калса күңелдә.

Әнидер син, бәлки,

Без дә синең

Бәгыреңнән төштек өзелеп.

Укытучы булу -

Фәрештәләр

Язып бетерә алмас изгелек!