Апрель ае - Тукай ае. “Яздан аерып булмый Тукайны! Язда килгән, язда ул янган...”, - дип язган Р.Фәйзуллин. Без дә Тукай белән якыннан күрешү өчен музейга юл тоттык. 14 апрель көнне безне Тукай музее колач җәеп каршы алды. Музей экспонатлары арасында мемориаль булган истәлекләр аеруча укучыларны кызыксындырды. Балалык чоры, Уральскийдагы тормышы, Казан чоры экспозицияләре материалларга бик бай, күбесенчә аларда архивтан алынган һәм сирәк куела торган ядкарьләр урын алган иде. Укучылар алган мәгълүматларын квест–уенда файдаландылар. Тукай эзләре буенча сәяхәтебезне киләчәктә дә дәвам итәргә уйлыйбыз.